JIN ƘAN IYAYE

-

JIN KAN IYAYE 

© Ayeesh Chuchu
  Muna cikin wani zamani da ƴaƴa basu cika jin tausayin iyayensu ba. Ka yi girman da Allah ya hore ma ka amma ba za ka iya daukar nauyin iyayenka ba. Iyayen nan fa su suka raine ka har ka kai wannan matsayi da ka ke a yanzu. 

  Su suka tarbiyyantar da kai har wata ta gani ta kyasa. Bayan Allah madaukakin sarki babu halittar da ta cancanci godiya irin iyaye da su ka kawo ka duniya har ka zama abin da ka zama a rayuwa. 

 Allah SWT ya umarce mu da mu kyautatawa iyaye matukar kyautatawa. Wanda a yanzu kadanne ke kyautatawa iyaye, hakan yafi yawa ga maza waɗanda hakkin iyaye yafi rataya akawunansu, wasu daga sun yi aure sun fara tara iyali shi kenan sai su fita harkar kyautatawa iyaye, sun fifita iyalansu sama da iyayensu. To ɗan uwa bari ka ji, iyalanka da ka kyautatawa sama da iyayenka yanda ka yi ma iyayen nan suma sai sun maka sama da haka. Yanda ka ke kyautatawa iyayenka haka yaranka za su taso da ƙaunar ganin sun ji tausayinka. 

 Har aya aka saukar a Al-Qur’ani mai girma akan kyautatawa iyaye kamar yadda ya zo a cikin suratul Isra’i, aya ta ashirin da uku da kuma hudu. 

 “Kuma Ubangijinka Ya hukunta kada ka bauta wa kowa face Shi, kuma game da mahaifa biyu ku kyautata kyautatawa, ko dai ɗayansu ya kai ga tsufa a wurinka ko dukansu biyu, to kada ka ce musu ‘tir’ kuma kada ka tsawace su, kuma ka faɗa musu magana mai karimci”. 

 “Kuma ka sassauta musu fikafikan tausasawa na rahama. Kuma ka ce” Ya Ubangijina! Ka yi musu rahama, kamar yadda suka yi renona, ina ƙarami.”.

Shin ba ka kyautatawa iyayenka ba? Ka tausaya masu, ka kula da su kamar yadda su ka baka kulawa. A wannan lokacin ne su ka fi bukatar ka a kusa da su, dan ka ji matsalolinsu ka kuma tausaya masu. 

  Ba kamar uwa ya kamata a kyautatawa fiye da kowa kamar yadda ya zo a cikin suratul Lukman ayata goma sha hudu “Kuma Mun yi wasiyya ga mutum game da mahaifansa biyu, uwarsa ta dauke shi a cikin rauni a kan wani rauni, kuma yayensa a cikin shekara biyu (Muka ce masa), Ka gode Mini da kuma mahaifanka biyu. Makoma zuwa gare Ni kawai take”. 
Shin ɗan uwa wadannan ayoyi ba su isa su gamsar da kai ba akan kyautatawa iyayenka?

 Ka kyautata musu tun suna raye su sa maka albarka. Kar ka zo ka yi dana sanin a bayan rayuwarsu. 

 Ba ƙaramin gata Allah SWT ya ma ka ba, da ya bar ma ka iyayenka a raye har girmanka suka aurar da kai, suka baka tarbiyya ta gari, yi amfani da wannan damar ɗan uwa. 

 Wasu na can ba su san iyayensu, ba su rayu da su ba, basu san dadinsu ba, ka gode ma Allah da kai kana da wannan damar. 

 Wasu na jin ina ma su ne ke da iyayen ba kai ba, su kyautata musu iya kyautatawa. 
Muyi amfani da damarmu kafin ta kuɓuce ma na. 
Ayeesh Chuchu 

Comments

Post a Comment

Popular posts from this blog

TREND

-
Chuchu and LubnaSufyan calmlubna@gmail.com ayeeshasadeeq2010@gmail.com TREND Akwai abinda turawa kan kira 'TREND' da za'a iya fassarawa da wani abu sabo da zai shigo ko ince 'YAYI'. Kamar sabuwar shadda da samari zasu dinga yayi, burin kowanne a ciki ya mallaka, machine da makamantansu. A wajen mata kamar turare, dinki ko wani abu daya danganci kwalliya, wannan TREND bai tsaya a iya abubuwan amfani ba, har da wakoki ko finafinai da zasu shigo yan yayi. TREND dinmu na yau ta bangaren wakokine, wakokin da kan zo da salon rawa kala-kala. A shigowar 2018 din nan anyo wakoki kala-kala irin su Shaku-shaku, Kope challenge ga kuma sabuwa yar yayi wai ita collapse challenge Wadannnan kalolin rawa da su ka zo da rawar da burin kowanne matashi ko matashiya su saka wakar su kwaikwayi rawar. Ok! ba sai addini ya kai ga shigowa ciki ba, bara mu taba al'ada kamun muzo kan addini, akwai raye rayen da a al'ada ta malam Bahaushe ko namijin bai kamata ya yi ta ba balle h
Read more

SOYAYYA TSAKANIN KI DA SHI TA KARE

-
ALAMOMI GOMA DAKE NUNA CEWA SOYAYYA TA KARE TSAKANIN KI DA SHI Akwai bambanci tsakanin namiji na sonki da kuma bai sonki, wanda zai nuna hakan a aikace, a baki da kuma yanayin mu'amalar ki da shi. Da yawan mata za su fara tunanin ko nayi wani laifi ne? Miye dalilin canzawar shi? Mi ya kamata inyi wajen kara karkato da hankalin shi a gare ni? Ire-iren wadannan tambayoyi ne da za su yi ta yawo a zuciyar budurwar da ta rasa gane kan saurayinta. Wata ba za ta fahimci cewa sonta ne ya daina ba, sai ta fara neman sasanci, ta shiga halin damuwa da tashin hankali musamman idan aka yi sa'ar cewa ta mutu a soyayyar sa. A matsayinki ta mace, wacce aka sani da rauni musamman a bangaren soyayya, ya zama wajibi ki natsu ba'a shiga soyayya ta ka, kin san mi kike so game da namiji sannan ki san alamun da ke nuni da cewa wannan yaudara ce ko kuma an daina yayinki, saboda mune a mafi yawan lokutta muke fadawa ciki. Monica Parikh dake a NYC masaniya akan zamantakewa da soyayya ta bayyan
Read more

Matan Arewa

-
Okkkayyy! Dan anyi maganar kishiya kun fi kowa tada jijiyan wuya. Kece "wayyo Allah, ka cuce ka yaudare ni".. Kwana biyu kuma ki fara "ai ta gama mallake shi".   I'm fed up with "arewa women are not romantic".. Ya tura dan SMS na kara jadadda soyayyar shi a gare ki. Duk rawar ganin da yayi, you can't even reply with "I love you" idan wahalar typing kike. Yasan kin gani kin kuma yaba. Haba! Kiyi laifi ba za ki ce "sorry" ba. Ya yi ma ki kyauta babu "Thank you". Da kin haihu shi kenan ya zama Baban Indo, dan wasa da hirar soyayya kunyi bankwana da su. Da anyi magana ki ce yara. Ko kin girma da haka. In za ki fita kin iya kwalliya da kashe dauri, da kin dawo gida kin kama yawo da zani da shirt, ko daurin kirji. Dare nayi ki haye gado shi kenan. Kin ajiye ma Baban Indo abinci, ya ci ko kar yaci ke dai ai kin girka. Tsakanin ki da mijin ki sai dai maganar kudi "A bani kudin cefane, a bani kudin ankon bik
Read more