DA SAURAN RINA A KABA

-

RANAR MATAN KARKARA TA DUNIYA

DA SAURAN RINA A KABA

Ayeesh A. Sadeeq
ayeeshasadeeq2010@gmail.com

Idan aka yi la'akari da yanayin da matan karkara ke ciki bana tunanin an samu wani cigaba na azo a gani ba.
Musamman idan aka yi duba da yawaitar kananan yara dake qara fantsama a cikin harkar nan ta tallace-tallace.
Wadannan ƙananan yara mata sune ake jefawa cikin halin ha'ula'i, musamman yawaitar cin zarafin su da ake yi nayi masu fyaɗe, yara ƙanana ana samun su dauke da cikin shege a dalilin haiƙe masu da ake yi, ko kuma da ra'ayin kansu ta hanyar yi masu romon baka.
Su fa mutanen karkara ba kasafai suke kallon gidajen talabijin ba, karanta jaridu da kuma sauraron Radiyo. Babbar hanyar da ya kamata a bi wajen wayar masu da kai bai wuce ta hanyar community outreach.
Wannan kira ne na musamman ga kungiyoyi masu zaman kansu da su taimaka a wajen ganin an rage mafi yawa daga cikin kason matsalolin da ake samu a karkara.
Ta fannin tallace-tallace da ƙananan yara kan yi, nayi duba da nazirin cewa ba zai yiwu iyayen wadannan yaran su yarda da a hana yaran su tallace-tallace ba, ba komi ke sa su wannan tallace-tallacen ba face talauci.
Kenan ba zai yuwa ka toshe ma mutum hanyar samun sa ba, ba tare da ka nema masa mafita ba.
Idan har ana son a dakile yawaitar tallace-tallacen nan sai an tabbatar iyayen yaran nan a nema masu sana'ar da zasu rika yi a gidajensu wanda baya bukatar sa hannun yaran. Hakan zai ba yaran damar fita neman ilimin Arabi da boko.
A fannin iyaye mata kuwa a karkara za a same su cikin mawuyacin hali mai tattare da zalunci da takura daga mazajensu. Suna rayuwar aure ne bisa ga jahilci, namiji zai tara mata hudu ba ci ba sha. Ta tallace-tallace su ka dogara, da ita suka ciyar da yaran su harda tufatar dasu. Mazan su kuwa daga zarar kaka ta zo to kakarsu ta yanke saƙa, wato lokacin sake-sake da aure-aurensu yazo.
Wani abun ban haushi da takaici sai kun je asibitoci za ku tabbatar da abinda nake fada, akwai yawaitar mata masu fama da cuta mai karya garkuwar jiki, wanda da yawa daga cikinsu basu san suna dauke da cutar ba. Sai a dalilin zuwa asibiti wala Allah wajen haihuwa ko a lokacin awo.
Da yawaitar mata masu fama da lalurar yoyon fitsari. Wanda yawanci saboda yawanci sun jahilci zuwa asibiti awo da haihuwa.
Kenan dai akwai sauran rina a kaba, sai an tallafawa wadannan mutane wajen fadakar dasu yanayin da suke ciki.

#ayeeshchuchuwrites #tableshaker #Enlarge2018

Comments

Post a Comment

Popular posts from this blog

TREND

-
Chuchu and LubnaSufyan calmlubna@gmail.com ayeeshasadeeq2010@gmail.com TREND Akwai abinda turawa kan kira 'TREND' da za'a iya fassarawa da wani abu sabo da zai shigo ko ince 'YAYI'. Kamar sabuwar shadda da samari zasu dinga yayi, burin kowanne a ciki ya mallaka, machine da makamantansu. A wajen mata kamar turare, dinki ko wani abu daya danganci kwalliya, wannan TREND bai tsaya a iya abubuwan amfani ba, har da wakoki ko finafinai da zasu shigo yan yayi. TREND dinmu na yau ta bangaren wakokine, wakokin da kan zo da salon rawa kala-kala. A shigowar 2018 din nan anyo wakoki kala-kala irin su Shaku-shaku, Kope challenge ga kuma sabuwa yar yayi wai ita collapse challenge Wadannnan kalolin rawa da su ka zo da rawar da burin kowanne matashi ko matashiya su saka wakar su kwaikwayi rawar. Ok! ba sai addini ya kai ga shigowa ciki ba, bara mu taba al'ada kamun muzo kan addini, akwai raye rayen da a al'ada ta malam Bahaushe ko namijin bai kamata ya yi ta ba balle h
Read more

SOYAYYA TSAKANIN KI DA SHI TA KARE

-
ALAMOMI GOMA DAKE NUNA CEWA SOYAYYA TA KARE TSAKANIN KI DA SHI Akwai bambanci tsakanin namiji na sonki da kuma bai sonki, wanda zai nuna hakan a aikace, a baki da kuma yanayin mu'amalar ki da shi. Da yawan mata za su fara tunanin ko nayi wani laifi ne? Miye dalilin canzawar shi? Mi ya kamata inyi wajen kara karkato da hankalin shi a gare ni? Ire-iren wadannan tambayoyi ne da za su yi ta yawo a zuciyar budurwar da ta rasa gane kan saurayinta. Wata ba za ta fahimci cewa sonta ne ya daina ba, sai ta fara neman sasanci, ta shiga halin damuwa da tashin hankali musamman idan aka yi sa'ar cewa ta mutu a soyayyar sa. A matsayinki ta mace, wacce aka sani da rauni musamman a bangaren soyayya, ya zama wajibi ki natsu ba'a shiga soyayya ta ka, kin san mi kike so game da namiji sannan ki san alamun da ke nuni da cewa wannan yaudara ce ko kuma an daina yayinki, saboda mune a mafi yawan lokutta muke fadawa ciki. Monica Parikh dake a NYC masaniya akan zamantakewa da soyayya ta bayyan
Read more

Matan Arewa

-
Okkkayyy! Dan anyi maganar kishiya kun fi kowa tada jijiyan wuya. Kece "wayyo Allah, ka cuce ka yaudare ni".. Kwana biyu kuma ki fara "ai ta gama mallake shi".   I'm fed up with "arewa women are not romantic".. Ya tura dan SMS na kara jadadda soyayyar shi a gare ki. Duk rawar ganin da yayi, you can't even reply with "I love you" idan wahalar typing kike. Yasan kin gani kin kuma yaba. Haba! Kiyi laifi ba za ki ce "sorry" ba. Ya yi ma ki kyauta babu "Thank you". Da kin haihu shi kenan ya zama Baban Indo, dan wasa da hirar soyayya kunyi bankwana da su. Da anyi magana ki ce yara. Ko kin girma da haka. In za ki fita kin iya kwalliya da kashe dauri, da kin dawo gida kin kama yawo da zani da shirt, ko daurin kirji. Dare nayi ki haye gado shi kenan. Kin ajiye ma Baban Indo abinci, ya ci ko kar yaci ke dai ai kin girka. Tsakanin ki da mijin ki sai dai maganar kudi "A bani kudin cefane, a bani kudin ankon bik
Read more