DUK TSANANI DUK WUYA!

-

DUK TSANANI DUK WUYA!

© Ayeesh Chuchu
ayeeshasadeeq2010@gmail.com

17-04-2018
A al'adance mace ba ta da hurumin da za ta kai karar mijinta koda kuwa ita ce ke da gaskiya, koda kuwa an ci zarafi da mutuncinta. Koda kuwa tana zaune ne cikin mawuyacin hali, al'ada ba ta bata wannan damar ba.

Dole tayi biyayya ga mijinta koda kuwa hakan ya saɓa faɗar Allah da ma'aikinSa SAW. Hakan mu ka taso kaka da kakannin ana hakan. Saboda shi miji shugaba ne, kuma shugaba baya laifi ko? Haka ake koyar da mata tun suna yaran su, ko gida akan fifita namiji sama da mace.
Tun daga kan haihuwa, idan namiji ne za a siya ma shi ƙaton gida da mota idan masu arziki ne, talaka kuwa gona ce za a bashi, a kuma yankar masa fegi a cikin gida inda zai saka matarshi. A taiƙace ma auren gata ake ma shi, ita kuma mace ko ohooo. Ita ba mutum ba ce ai, kuma ba ta zuciya a kirjinta.
Tun daga nan rashin adalci ya shiga a tsakani, cewa aka yi iyaye su yi adalci a tsakanin ƴaƴansu. Shin adalcin kenan?
Tun daga nan kun rura wutar gaba a tsakanin ƴaƴanku ba ku sani ba.
A rayuwar zamantakewa biyayya aka ce mace tayi ma mijinta shi ma din har sai idan bai saɓama dokokin Allah ba.
Amma ina! Mun taso cikin al'ada mara tushe da kan gado, mace ba ta isa ta fadi laifin mijinta ba, sai a ga kamar tayi wani gungumemen zunubi. Shin haka annabi SAW ya tafiyar da matan zamanin shi? Mata nawa ne suka kawo ƙarar mazajensu ga Manzon tsira annabin Rahama.
Akwai hadisin da ya zo cewa Khawla Bint Tha'alabah ta kawo ƙarar mijinta wajen Annabi SAW.
Wannan fa na nuna mana cewa dan mace ta kai ƙarar mijinta akan abin da take ganin zalunci ne a gare ta ba aibu bane.

Ya kamata iyaye su gane cewa ƴaƴa fa amana ce a wajen su, da mace da namiji duk daya suke a wajen Allah.
Abinda ke ban mamaki shine kullu yaumin idan mace za tayi aure itace ake ma fada, da wuya iyaye su zaunar da ɗan su su ce masa ya yi haƙurin zaman da matarshi, ya riƙa ƙokarin sauke haƙƙinta da ya rataya a wuyansa. Sai dai mi, ita mace ita ake ma wannan kashedin, saboda ita kadai Allah ya daura ma nauyin aure ko mi?

Ya kamata fa jama'a a hankalta a gane gaskiya.

Comments

Post a Comment

Popular posts from this blog

Matan Arewa

-
Okkkayyy! Dan anyi maganar kishiya kun fi kowa tada jijiyan wuya. Kece "wayyo Allah, ka cuce ka yaudare ni".. Kwana biyu kuma ki fara "ai ta gama mallake shi".   I'm fed up with "arewa women are not romantic".. Ya tura dan SMS na kara jadadda soyayyar shi a gare ki. Duk rawar ganin da yayi, you can't even reply with "I love you" idan wahalar typing kike. Yasan kin gani kin kuma yaba. Haba! Kiyi laifi ba za ki ce "sorry" ba. Ya yi ma ki kyauta babu "Thank you". Da kin haihu shi kenan ya zama Baban Indo, dan wasa da hirar soyayya kunyi bankwana da su. Da anyi magana ki ce yara. Ko kin girma da haka. In za ki fita kin iya kwalliya da kashe dauri, da kin dawo gida kin kama yawo da zani da shirt, ko daurin kirji. Dare nayi ki haye gado shi kenan. Kin ajiye ma Baban Indo abinci, ya ci ko kar yaci ke dai ai kin girka. Tsakanin ki da mijin ki sai dai maganar kudi "A bani kudin cefane, a bani kudin ankon bik...
Read more

MANYA-MANYAN KURA-KURAI DA MA'AURATA KE YI BA SU SANI BA

-
MANYA-MANYAN KURA-KURAI DA MA'AURATA KE YI BA SU SANI BA Aure na iya zama abu mafi kololuwar jin dadi da walwala a rayuwar dan Adam, a wasu lokuttan kuma ya kan zama tamkar mutum na zaune a gidan yari ne wani sa'ilin ma na gidan yari yafi ka kwanciyar hankali. Hakan duk ya ta'allaka ne da waye ka aura. A wannan zamani da mu ke ciki aure ya zama abinda ya zama a Arewa. Yawaitar mutuwar aure kullum kara yawa su ke. Har ta kai ana iya aure wata daya a rabu. Akwai abubuwa masu dadi a rayuwar aure, musamman ka tuna cewa wannan na zaba a matsayin aboki ko abokiyar rayuwata. Sannan akwai kalubale da ke fuskantar aure wanda sai an taru gaba daya wajen tunkarar wannan kalubale. Da yawa a tunanin su rayuwar aure, rayuwa ce ta jin dadi da more rayuwa na dindindin, sai dai bayan shigar su sai suka iske abun ba haka bane. Masana sun nuna cewa rayuwar aure gaba dayanta wata makaranta ce mai zaman kanta, ba wai makarantar je ka ka dawo ba, a'a makaranta ce da ba'a fita ciki...
Read more

ABINDA MATA KE SO (EP1)

-
ABINDA MATA KE SO EP1 A mafi yawan lokutta maza kan yi ta korafin “wai ku mata mi kuke so ne?”  “Ba a iya ma ku”... “Ba a birge ku”... Bla bla bla.... Har yanzu ba ku fahimci mi mata ke so ba, har wasu kanyi tunanin ba a birge mace ko wani abu makamancin haka. A duk inda mace take tana son namijin da zai rika motivating dinta.  Ba wai ka zo ka zama motivational speaker ba😂.. Man! Wannan maganar motivation a relationship na ke magana a kai. Every woman wants a man that can inspires her, wanda zai iya taimaka ma ta a duk lokacin da ta bukaci haka.. Akwai lokuttan da mace za ta riski kanta cikin wani hali na damuwa da bakinciki, a wannan lokacin tafi bukatarka. A lokacin za ka iya lallashin ta da misalai maybe wadanda ma suka faru a kanka, ka nuna ma ta za ta iya wuce wannan wajen . Za ta iya zama kalar macen da take son zama.. Idan ta rasa wannan wajen ka, nan fa bestie ke shigowa, coz he will be there for her , he’ll cheer her up.. Zai ji matsalolin ta zai b...
Read more