RABUWAR IYAYE

-

RABUWAR IYAYE

Ayeesh Chuchu
ayeeshasadeeq2010@gmail.com
11-07-2018

Muna cikin wani zamani da auri saki ya yawaita a tsakanin ma'aurata. Akwai dalilai masu karfi da ke assasa mutuwar aure.
Sai dai mi? Mutuwar auren na kawo matsaloli a rayuwar yaran da ke tsakanin ma'auratan. A irin wannan zamanin da mu ke ciki, iyaye ma na tare suna bakin kokarin wajen tarbiyyantar da ƴaƴansu ana samun matsaloli ina ga iyayen da suka rabu da juna.
Da yawan yaran hankulan su na rabuwa ne gida biyu, su kan rasa shakuwa ta iyaye da ƴaƴansu musamman idan daya daga cikin iyayen ke tare da ƴaƴan, kunga kenan sun rasa shakuwa ta daya bangaren.

   Matuwar aure a tsakanin iyaye na jawo rashin yarda a tsakanin yaran, zasu riƙa kallon iyayen ta wata fuska ta daban, ana samun masu nuna ƙyayya ga daya daga cikin iyayensu saboda dalilinsu na ganin cewa watakila uban ne ya assasa rabuwarsu da mahaifiyarsu, ko kuma ta bangaren ita mahaifiyar ce musabbabin hakan.
Wasu daga cikin yaran basu samun kulawar da ya kamata a ce sun samu daga bangaren iyayensu, sai a samu akasi wajen rashin tarbiyya, ilimi da kuma sauran ababen da yaro ya kamata ya samu wajen inganta rayuwarshi.
Ta dalilin hakan sai yara su fada mawuyacin hali, iliminsu da tarbiyyarsu su samu naƙasu, su kan rasa wannan gatan da yaran da ke tare da iyayensu ke samu, ba su cika samun gatan a jawo su a jika ba, a nuna masu soyayya da kauna. Shiyasa idan matsala ta same su, maimakon su tunkari iyayensu da matsalar sai dai ina, a waje zasu nemi inda za a warware masu matsalolinsu, idan aka yi rashin sa'a sai a daura su a turbar banza.
Shawara ta ga ma'aurata su daure su cigaba da hakuri da juna, su kyautata mu'amalarsu da abokan rayuwarsu da ƴaƴansu, wasu matsalolin basu taka kara sun karya ba bare har saki ya shigo ciki.
Sannan gallazawa juna ba mafita bace musamman idan da yara a tsakanin, hakan zai kawo gaba a tsakanin ku da yaranku, duk yaron da zai tashi yau da gobe yana ganin iyayensa na fada za a wayi gari baraka ta shigo tsakanin iyayen da yaran.
Ku zauna ku fahimci junanku, ku kuma sauke hakkin da ke rataye a wuyanku walau mata ko miji, kowanne nada responsibilities dinsa.

Comments

Post a Comment

Popular posts from this blog

SOYAYYA TSAKANIN KI DA SHI TA KARE

-
ALAMOMI GOMA DAKE NUNA CEWA SOYAYYA TA KARE TSAKANIN KI DA SHI Akwai bambanci tsakanin namiji na sonki da kuma bai sonki, wanda zai nuna hakan a aikace, a baki da kuma yanayin mu'amalar ki da shi. Da yawan mata za su fara tunanin ko nayi wani laifi ne? Miye dalilin canzawar shi? Mi ya kamata inyi wajen kara karkato da hankalin shi a gare ni? Ire-iren wadannan tambayoyi ne da za su yi ta yawo a zuciyar budurwar da ta rasa gane kan saurayinta. Wata ba za ta fahimci cewa sonta ne ya daina ba, sai ta fara neman sasanci, ta shiga halin damuwa da tashin hankali musamman idan aka yi sa'ar cewa ta mutu a soyayyar sa. A matsayinki ta mace, wacce aka sani da rauni musamman a bangaren soyayya, ya zama wajibi ki natsu ba'a shiga soyayya ta ka, kin san mi kike so game da namiji sannan ki san alamun da ke nuni da cewa wannan yaudara ce ko kuma an daina yayinki, saboda mune a mafi yawan lokutta muke fadawa ciki. Monica Parikh dake a NYC masaniya akan zamantakewa da soyayya ta bayyan
Read more

Matan Arewa

-
Okkkayyy! Dan anyi maganar kishiya kun fi kowa tada jijiyan wuya. Kece "wayyo Allah, ka cuce ka yaudare ni".. Kwana biyu kuma ki fara "ai ta gama mallake shi".   I'm fed up with "arewa women are not romantic".. Ya tura dan SMS na kara jadadda soyayyar shi a gare ki. Duk rawar ganin da yayi, you can't even reply with "I love you" idan wahalar typing kike. Yasan kin gani kin kuma yaba. Haba! Kiyi laifi ba za ki ce "sorry" ba. Ya yi ma ki kyauta babu "Thank you". Da kin haihu shi kenan ya zama Baban Indo, dan wasa da hirar soyayya kunyi bankwana da su. Da anyi magana ki ce yara. Ko kin girma da haka. In za ki fita kin iya kwalliya da kashe dauri, da kin dawo gida kin kama yawo da zani da shirt, ko daurin kirji. Dare nayi ki haye gado shi kenan. Kin ajiye ma Baban Indo abinci, ya ci ko kar yaci ke dai ai kin girka. Tsakanin ki da mijin ki sai dai maganar kudi "A bani kudin cefane, a bani kudin ankon bik
Read more

TREND

-
Chuchu and LubnaSufyan calmlubna@gmail.com ayeeshasadeeq2010@gmail.com TREND Akwai abinda turawa kan kira 'TREND' da za'a iya fassarawa da wani abu sabo da zai shigo ko ince 'YAYI'. Kamar sabuwar shadda da samari zasu dinga yayi, burin kowanne a ciki ya mallaka, machine da makamantansu. A wajen mata kamar turare, dinki ko wani abu daya danganci kwalliya, wannan TREND bai tsaya a iya abubuwan amfani ba, har da wakoki ko finafinai da zasu shigo yan yayi. TREND dinmu na yau ta bangaren wakokine, wakokin da kan zo da salon rawa kala-kala. A shigowar 2018 din nan anyo wakoki kala-kala irin su Shaku-shaku, Kope challenge ga kuma sabuwa yar yayi wai ita collapse challenge Wadannnan kalolin rawa da su ka zo da rawar da burin kowanne matashi ko matashiya su saka wakar su kwaikwayi rawar. Ok! ba sai addini ya kai ga shigowa ciki ba, bara mu taba al'ada kamun muzo kan addini, akwai raye rayen da a al'ada ta malam Bahaushe ko namijin bai kamata ya yi ta ba balle h
Read more